Сайт Беларускай асацыяцыі журналістаў і Naviny.by працягваюць публікаваць фотагісторыі, створаныя навучэнцамі адукацыйнага курса «Фотапраект: ад ідэі да прасоўвання». Сёння маем гонар прадставіць праект Аляксандра Каленіка.
Клаўстрафобія
Дастаткова шмат, нават перабор сцен вакол. З дня ў дзень адчуванне заціснутасці і няволі ахінаюць бетоннай коўдрай — прыходзіць клаўстрафобія. Сцяна справа, сцяна злева, сцяна над, сцяна пад. Уваход і выхад — калідор. У маім доме, яго доме, яе доме, нашых дамах. Лесвіца, ліфт — усё цеснае.
Клаўстрафобія — боязь замкнёных прастор. У нашым горадзе іх нямала. Пад'езды нашых дамоў цалкам сабе такія клаўстрафабічныя прасторы. Магчыма, менавіта таму такая вялікая наша прага акультурыць іх, пашырыць, упусціць святло, засяліць вобразамі.
Запрашаю вас паглыбіцца ў жыццё мінскіх пад’ездаў, каб набыць ўстойлівасць да мінскай клаўстрафобіі.